Abdul Waheed Social issue : Chemical mixed Milk Hyderabad

 حيدرآباد شھر اندر ھلندڙ ڪيميڪل مليل  زھريلو کير ۽ ان جا انساني جانين تي پوندڙ اثر

جيتو ڻيڪ کير کي دنيا جي مڪمل غذا سڏيو ويندو آھي ڇو ت جڏھن ڪو ٻار پيدا ٿيندو آھي ت ان کي مسلسل ڪجھ عرصي تائين کير پياريو ويندو آھي ۽ ان ٻار جي زندگي جو دارو مدار ان کير تي ئي ھوندو آھي جيستائين ان ٻار ۾ ڪجھ ٻين کاڌن کي کائڻ جي سگھ پيدا ٿئي تنھنڪري اسان چئي سگھون ٿا ت کير ۾ قدرت تمام گھڻيون خوبيون رکيون آھن پر جيئن وقت گذرندو پيو ونڃي تيئن انسانن جي اندر  پيسي کي ڪمائڻ جا غلط طريقا وڌندا پيا ونڃن ھڪ وقت اھو ب ھيو ت سنڌ اندر ڪافي علائقن ۾ کير کي پئسن تي کپائڻ کي غلط سمجھيو ويندو ھيو پر وقت گذرڻ سان گڏ ماڻھن ۾ کير کپائڻ جو رواج شروع ٿيو ۽ ھاڻي ھر ھنڌ  کير پئسن  عيوض وڪرو ٿي رھيو آھي گھڻو وقت پھريان جي نه پر ڪجھ سال پھريان جي ڳالھ آھي ت اسان جتان کير خريد ڪندا ھئاسين ته انھن خير کپائيندڙن کي  اھو چوندا ھئاسين ته  مھرباني ڪري کير ۾ پاڻي جو  استعمال نه  ڪيو پر وقت جي ستم ظريفي اھا آهي ته  اڄ اسان انھن کي اھو چوندا آھيون ته  کير ۾ پاڻي ته  وجھو ٿا پر مھرباني ڪري ڪيميڪل مليل کير نه  ڏيو  مطلب وقت گذرڻ سان گڎ  اسان کير ۾ پاڻي ملائڻ کي ته   قبول ڪيو پر ھاڻي اسان کي بس اھو خوف ھوندو آھي ته  کير کپائيندڙ جيترو مرضي کير ۾ پاڻي وجھن پر کير ۾ زھريلو ڪيميڪل استعمال نه  ڪن ڇو ته کير ۾ جيترو به  پاڻي ھجي ان کي بوائل ڪري پاڻي کي بخارن جي شڪل ۾ کير کان الڳ ڪري سگھجي ٿو پر ڪيميڪل مليل کير ڪيميڪل کان پاڪ نٿو ڪري سگھجي چاھي اسان ان کي بوائل ئي ڇو نه  ڪيون ۽ ڪيميڪل به اھڙا جو ماڻھون کير پيئڻ کان پھرين بيمارين کان پناھ طلب ڪري کير ۾ ڪيميڪل ملائڻ جا  ڪجھ سبب

ڪيميڪل مليل کير جو  وڏو سبب اھو به  آھي ته  اسان جي شھر حيدرآباد جو شمار سنڌ جي ٻئين نمبر وڏي شھر  طور ٿئي ٿو  ۽ايڏي وڏي شھر ۾ مال  پاليندڙ ماڻھن جي تعداد تمام گھٽ آھي  ۽ انجو ٻيو سبب اھو به  آھي ته شھر اندر کير خريد ڪندڙ ماڻھن جو انگ تمام وڏو آھي ۽ شھر تمام ڳتيل آبادي وارو شھر به آھي ۽ ماڻھون شھري ماحول ۾ رھڻ جي سبب ھتان جا رھواسي مال پاليندڙ ماڻھن کي شھر جي مختلف ڪالونين اندر مال رکڻ جي اجازت به  نه ڏيندا آھن جنھن سبب حيدرآباد شھر جا رھواسي کير خريد ڪرڻ لاء شھر اندر موجود مختلف ڊيرين جو رخ ڪندا آھن ۽ سندن ڪيميڪل مليل کير خريد ڪرڻ سندن مجبوري بڻجي وڃي ٿي

 جيڪو کير شھري ڊيرين تان خريد ڪندا آھن اھو ٻن قسمن جو ھوندو آھي 1 ھڪ اھو کير جيڪو مالوند کير کي وڌائڻ جي لاء ھارمونل انجيڪشن جو استعمال ڪري ڏھندا آھن 2 ۽ ٻيو اھو کير جيڪو مصنوعي طور ڪيميڪل ملائي ٺاھيو ويندو آھي جنھن ۾ بلڪل به جانورن جو کير نه پر مڪمل طور تي ڪيميڪل جي مدد سان ٺھيل ھوندو آھي ھاڻي ھڪ سوال اھو ٿو پيدا ٿئي ته پاڪستان کير جي پيداوار ڏيندڙ دنيان جون چو ٿون نمبر وڏو ملڪ آھي  ته  پوء ھن ملڪ اندر جنھن ۾ ايتري وڏي تعداد ۾ کير جي پيداوار ٿيندي آھي ته پوء ھتي مصنوعي طريقي سان ڪيميڪل مليل کير ٺاھڻ جي ڪھڙي ضرورت آھي  منھنجي نظر ۾ ته انجا ٽي وڏا سبب آھن ته  ڪيميڪل  وارو کير ٺاھڻ جي لاء اسان کي وڌيڪ جانور پالڻا نٿا پون ۽ جڏھن اسان وٽ کير ڏيندڙ جانور گھٽ ھوندا آھن ته  اسان کي کير جي کوٽ کي پورو ڪرڻ لاء ڪيميڪل مليل کير ئي ٺاھي وڪرو  ڪيو ويندو آھي ۽ ٻيو سبب اھو به  آھي ته  ھٿرادو ڪيميڪل سان ٺھيل کير جي ڪا به  حد يا پيمائش نه  ھوندي آھي ڇو ت جيتري مرضي وڏو پلانٽ لڳائي اھو کير تيار ڪري سگھجي ٿو  ۽ ٽيون سبب اھو به  آھي ته  ان کير کي ٺاھڻ ۾ تمام گھٽ وقت لڳندو آھي مطلب تمام گھٽ وقت ۾ جيترو چاهي  کير ٺاھي سگھو ٿا ۽ بس ڊيرين جا ما لڪ ان کير کي خالص کير جو نالو ڏئي وڪرو ڪندا آھن پر حقيقت انجي بلڪل ابتڙ ھوندي آھي

 يقينن جيڪو اصل کير ھندو آھي ليڪٽو ميٽر جي مدد سان ان جي شفاف ۽ خالص ھئڻ  جي خبر پئجي ويندي آھي ڇو ته جڏھن اسان ليڪٽو ميٽر کي پاڻي ۾ وجھنداسين ته  اھو لڳ ڀڳ 30 پوائنٽ ريڊنگ ٻڌائيندو  ۽ جڏھن ريڊنگ 26 پوائنٽ کان به  گھٽ ھجي ت يقينن ان کير ۾ يا ته  پاڻي مليل آھي يا وري اھو کير ڪيمليڪل جي مدد سان تيار ٿيل آھي جيڪو انساني  جانين لاء ڪنھن وبا کان گھٽ نه آھي  صحت جي ماھرن جي مطابق اھو زھريلو کير انسانن جي اندر مختلف بيمارين جو سبب بڻجي ٿو خاص طور تي ميدي جي اندر زخم جھڙين بيمارين گلي جي بيمارين ۽ ڪينسر جھڙي موضي مرض ۾ به  انسان مبطلا ٿي سگھي ٿو ھاڻي ضرورت ان ڳالھ جي آھي ته  فوڊ اٿارٽي ڊپارٽمينٽ   انھن ڊيرين خلاف ڪاروائي ڇو نه  پئي ڪري جيڪي سرعام زھريلو کير کپائي انساني جانين سان کيڏي رھيا آھن عوامي آغاھي لاء اھيو ضروري آھي ته  توھان کي انھن زھريلي کير ۾ استعمال ٿيندڙ شين جي  باري ۾ خبر ھئڻ گھرجي 

1. يوريا ڀاڻ 

2.ھٿرادو کنڊ 

3. ڪوڪنگ آئل

4. فا رمالن 

5. صرف وغيرھ  

وڏي افسوس جي ڳالھ آھي ته ھاڻي اسان کي خالص کير يا ڏھي ملڻ ھڪ پورو نه  ٿيندڙ خواب جيان لڳي ٿو ڇو ته   اسان وٽ انسانيت جو ڪو قدر ڪون آھي اگر اھئي سڀ زھريليون شيون اگر ڪو جانور به  استعمال ڪري ته  اھو به  زندھ نٿو رھي سگھي پر اھي شيون انسان ئي انسانن کي کير جي صورت ۾  زھر پياري رھيا آھن ۽ انتظاميا خاموش تماشائي بڻيل آھي 

ضرورت ان ڳالھ جي آھي ته  انتظاميا جانور پاليندڙ ماڻھن کي رليف ڏئي انھن کي ڪجھ سھولتون ڏئي قدرتي کير جي کوٽ کي ختم ڪري سگھي ٿي جنھن سان انساني زندگين کي ان زھريلي کير کان بچائي سگھجي ٿو آخر ۾ آء ايترو چوڻ چاھيندس ته  جيڪڏھن اسان معاملات تي نظر رکون ته  ڪو ب کير کپائيندڙ دڪاندار اسان کي دوڪو نٿو ڏئي سگھي 

 عبدالوحيد ايم اي پريويس رول نمبر 6 

Practical work Under supervision of Sir Sohail Sangi

Abdul Waheed Travelogue - Koh Marree

 To be checked 

Travelogue - Abdul Waheed 

Assigned by Sir Sohail Sangi

ڪوھ مري جو سفر ۽ سرد موسم

 

شھر اقتدار اسلام آباد کان 33ڪلوميٽر پري ھڪ قدرتي حسن جو شاھڪار جنھن کي ڏسڻ سان ئي ھڪ جان ۾ جان پئجي وـڃي جيتوڻيڪ ڪوھ مري جو شمار پاڪستان جي سڀ کان خوبصورت ترين  علائقي طور  ٿئي ٿو پر ھن علائقي جوشمار  سياحتي حساب سان به  دنيا جي قدرتي خوبصورتي واري علائقي طور به  ٿئي ٿو ھتان جي سرد موسم جيڪا سردين ۾ منفي 2 ڊگري تي بيھي ٿي جيڪا پاڻي کي به  برف ۾ تبديل ڪرڻ لاء ڪافي ھوندي آھي دنيا جي نالي وارن انجنئرس جا  تعميراتي ڪارناما ته  پنھنجو شاھڪار پيش ڪندا آھن پر قدرتي خوبصورتي جو ڪو مثال موجود نه آھي جنھن سان ھن خدا جي قدرتي حسن  کي بيان ڪري سگھجي ھڪ طرف بلند او بالا جبلن جو قطارون ته  وري انھن جو قدرتي ساوڪ سان لڪيل جبلن جو جسم ڄڻ مڪمل لباس جو ڏيک ڏيندڙ آھي

: انھن سر سبز جبلن مان وھندڙ پاڻي جا چشما قدرتي خوبصورتي جي ڄڻ ساراھ پيا ڪن الله  جي قدرت سان جبلن مان نڪرندڙ اھو پاڻي ڄڻ منرل وآٽر جي پاڻي کان به  ڪئي دفعا وڌيڪ صاف ۽ شفاف ھوندو آھي ۽ سندن ان پاڻي ۾ ھٿ وجهي  لطف وٺڻ لاء دل چوندي آھي ته  سندن چپن سان ان پاڻي جي چسڪي وٺجي خاص طور تي سردين جي موسم ۾ اتي ٿيندڙ برف باري سڄي زمين روڊ رستن ۽ جبلن کي پنهنجي آغوش ۾ ڪري ٿي ڇڏي اھيو منظر ڏسندڙن لاء  تمام من موھيندڙ ھوندو آھي

: منفي 2 ڊگري جي سرد موسم ۽ برف باري جي ڪري ماڻھون چانھ جو ڪوپ به   پنھنجي  ھٿ ۾ نٿو پڪڙي سگھي تنھنڪري پنھنجي ھٿن کي پھرين باھ تي سيڪي پوء ماڻھون چانھ جو ڪوپ پڪڙي  مري يقينن ڪنھن جنت نظير وادي کان بلڪل به  گھٽ نه آهي  ھتي ھر سال اندورني ۽ بيروني ملڪ مان سياحن جي تمام وڏي تعداد ھتان جو رخ ڪندي آھي مري اندر توھان کي اعلي ۽ شاندار قسم جا ھوٽل به  رھائش لاء ملي ويندا جن جو 3 ڏينھن جو ڪرائو تقريبن 10 کان 12 ھزار رپين تائين ھوندو آھي پر ڪجھ ھوٽل نارمل ريٽ تي به  دستياب ھوندا آھن ته  جيئين ھتي ايندڙ سياح پنھنجي سگھ آھر رھي ۽ گھمي ڦري سگھن مري ۾ چانھ  ڪجهه مھانگي ضرور آھي جيئن توھان  کي ھتي ڪشميري چانھ 70 روپيا ۽ عام کير واري چانھ 60  روپين تائين ملي سگھي ٿي

: مري جي آس پاس جا علائقا به  خوبصورتي جو شاھڪار رکن ٿا مال روڊ مري جي نالي سان مشھور علائقو جيڪو ڏينھن ھجي يا رات پر تقريبن چوويھ ڪلاڪ ھڪ ميلي جو ڏيک ڏيندو آھي ائين کڻي چئجي ته مال روڊ مري جيڪو ھر وقت سياحن جي گھما گھمي سبب مصروف رھي ٿو مال روڊ مري کان توھان کي اس پاس جي علائقن ۾ ونڃڻ لاء به  ٽيڪسي ڪار ملي ويندي آھي جنھن ۾ آساني سان آس پاس جي علائقن جي خوبصورتي به  ڏسي سگھجي ٿي مري جي آس پاس  ڪجھ منٽن جي مصافحت تي موجود ڪشمير پوائنٽ وارو علائقو به  قدرتي حسن جو نظارو پيش ڪري ٿو ۽ ٻئي طرف پنڊي پوائنٽ جي نالي سان منصوب ھڪ پبلڪ پليس پڻ آھي جيڪا مال روڊ مري کان 15  منٽن جي پيدل مصافحت تي موجود آھي جيڪو پڻ ھڪ قدرتي حسن جو شاھڪار رکي ٿي جنھن ۾ توھان کي گھمڻ لاء توھان کي بجلي جي مدد سان تارن جي ذريعي ھلندڙ  ھڪ ڪرسي ب ملندي جنھن ۾ 2 ماڻھون ويھي ڪري ماڻهون ان علائقي جو فزائي منظر به  ڏسي سگھن ٿا اھا چيئر لفٽ جيڪا 600 روپيا في ماڻھون جي حساب سان توھان کي پـنڊي پوائنٽ کان ويندي ڪشمير پوائنٽ جو علائقو ڏيکاريندي آھي

: پنڊي پوائنٽ ايتري ته  بلند آھي جو توھان چيئر لفٽ ۾ ويھي ڪري اسلام آ باد ۽ راولپنڊي جو فزائي منظر به  ڏسي سگھو ٿا ان کان علاوه  پطرياطا نالي سان ھڪ ٻيو علائقو جنھن کي نيو مري به  سڏيو ويندو آھي ھن وقت تمام گھڻو مشھور آھي جيڪو مري کان صرف پندرھن ڪلوميٽر جي فاصلي تي آھي ملڪي ۽ غير ملڪي سياحن جي تمام وڏي تعداد پڻ ھن علائقي جو رخ ڪندي آھي جنھن ۾ ڪيبل ڪار سسٽم به  آھي جنھن سان پڻ سياح اتان جو فزائي منظر ڏسي سگھن ٿا  بلڪل اھڙي طرح "ايوبيا''  "نٿيا گلي"گھورا گلي"ڀربان" به  تمام خوبصورت ۽ من کي موھيندڙ قدرتي حسن رکن ٿا

: سياحن کي ھڪ ڳالھ جو خيال ضرور رکڻ گھرجي ته   سيا ري  جي موسم ۾ ڪوھ مري ۾ تمام گھڻي سردي ھوندي آھي جنھن سبب انھن کي گھرجي ته ھو اھڙي قسم جي ڪپڙن کي پاڻ سان گڏ رکن  ت جيئن منفي 2 ڊگري جي سردي کي منھن ڏئي سگھجي ۽ اگر توھان ھن علائقي جو سفر پنھنجي گاڏي تي ڪيو ٿا ته پوء گاڏي ھلائڻ وقت احتياط کان ڪم وٺڻ جي ضرورت پوندي ھتان جا روڊ رستا بلند جبلن جي ھنج ۾ ھوڻ ڪري ٿورا دشوار ٿي سگھن ٿا ۽ ھن قدرتي حسن جي شاھڪار جو سفر جون ۽ جولاء جي مھينن ۾ به ڪري سگھجي ٿو ڇو ته  ان ڏينھن ۾ به ھن علائقي جو موسم دل کي سڪون ڏيندڙ ۽ دلفريب ھوندو آھي

عبدالوحيد ايم اي پريويس رول نمبر 6